2Jo | TPZ | STEP |

2 JON

Manih po kiun vëh ne Jon to hikta soe vavoh manih pan, ‘O kiun vëh to taneß nös peöß e Jon’, ahik, eß to soe varoe vamanih pan, ‘O kiun vëh to taneß nös peöß e voe manot to vovoh ka noß neöm.’ Eß to kiun ke na a köövo me ro pus koaß peß. Manih me po vahik in o kiun peß, e Jon to vavaato suk e non pa meh köövo neß to teß vaßpeh me non. A nap nat to sosoe ne pan, ‘Eß to hikta vavaato suk non a köövo vamaman, ahik, e Jon to heßheß non a soe vapipinoß, suk o pöök kum teß varih to vaman ne.’ E Jon to vavaato ke non na o pöh kum teß to vaman ne Ieesuß, pan ee se iu ne o upöm pee, pareß sosoe vaënpan non na raoe pan, ee se matop vavih ne po tövavaasis pikpiuk.

A ma kiun varih to tataki va ne manih pan,

A potan avih pe Jon, 1:1-3A soe va pa iu o upöm teß, 1:4-6A soe vaënpan va po tövavaasis pikpiuk, 1:7-11A soe ataaton pe Jon, 1:12-13

2 John

Koe A Vaßaus O Tövavaasis Pikpiuk

1 Eöß a Teß Apuh va po kum teß varih to vaman ne e Ieesuß to kiun ka nös oah, e köövo vateß pe Sosoenën me o pus koaß pën.

Eöß to iu kurus rakah e noß peöm manih pa soe man, eß hikta teß non pan, eöß varoe, o upöm teß me varih to nat ne a soe man to iu e ne peöm. 2 Emöm to iu a no neöm, suk a soe man vëh to teß me a rora, eß se teß tamoaan me e non pea.

3 O vaeö me o ururuan me a taateß moomo pe Sosoenën e Taman, me e Koaß peß Ieesuß Kristo se teß me a rora manih pa soe man, me a taateß iu.

4 Eöß to vaeö rakah voh pa ö nöß to nat a ma pah koaß pën to vavatet ne a hanan va pa soe man, vamanih pa ö ne Tamön to soe vavoh ka ra. 5 Ivëh, ka kuru vëh vameneoß, ea se iu rakah no o upöm pea. Eß to hikta teß non pan a soe voon, ahik, eß a pah soe akuk ko vëh na to kon voh po vanono. 6 Ko iu pamëh to teß va non manih pan, ea se vavatet no a ma soe ne Sosoenën to soe voh ka ra, vamanih pa ö nöm to pënton vavoh po vanono. A soe peß to soe va non manih pan, eöm se teß me nem a taateß iu teß.

7 O teß pikpiuk to paraß peo to teß ne kuru po oeh. Ee to hikta sosoe tavus ne a ö ne Ieesuß Kristo to kunah maß po oeh, pareß tavus teß en. Eteh to hikta sosoe tavus non a tah pamëh, eß a tövavaasis pikpiuk, me eß a teß to vakihat me non e Kristo. 8 Eöm se teß vamatop rakah nem, peß o teß poë varih tomeß piuk a neöm, köm vatet raoe, ivëh, köm hikta se kon nem a ma tapui pe Sosoenën, varih nöm to kiu vëhvaß suk voh. Suk ataeah, eöm se kon avoes rakah a ma tapui pe Sosoenën, vamanih po voen peöm, pa ö neß to soe vaman vavoh ka ra.

9 Eteh to keke non o vavaasis pe Kristo, ko hikta vavatet non o vavaasis peß, to hikta teß me non e Sosoenën. Ivëhkëk, eteh to vavatet non o vavaasis pe Kristo to teß me e non pe Taman, me Koaß peß Ieesuß Kristo. 10 Ivëh, ka teß se keh nö maß peöm, pareß hikta teß maß o vavaasis pamëh, koe a kamöß eah, keß, vaoe eah pa ma iuun peöm. 11 Suk ataeah, eöm se keh kamöß nem a teß pamëh, eöm to teß hop me e nem peß pa kiu hat peß.

12 Eöß to teß me e noß pa ma tah peo rakah nöß se kiun ka nös neöm, ivëhkëk, eöß to hikta iu noß a kiun nös to kiun. Suk ataeah, eöß to iu rakah noß a nö koman nös pa vaato me a neöm, ka se puh rakah po vaeö.

13 O pus koaß pe kea pën varih to vaman ne e Ieesuß, to heß nös a potan avih pee manem peöm.